----------------
PATALASTAS:
Caring angang Kabalen Kapampangan,
Agkatan daco pung mamasyal, mamasa, at pinamnaman ing literaturang Kapampangan karening bilungan (sayt) a makatuki:
http://eksite.com/versilog/
http://eksite.com/
http://ceramtex.com/poecia
http://papaosmubal.wordpress.com/
Dakal tamu pu abalung bayung bokabularyung Kapampangan at igit ta yang apilasa ing panga-Kapampangan ta mu pauli da reng mangasanting a poesya, sanese (essays) at miyaliwa pang akdang Kapampangan.
Makanyan mu rin, adwan mi ing saup yu na ikonekta la at ipangumbira reng mesabing sayt kareng kekong blog or aliwa pang social websites.( FS, Multply, Tweeter, Tumbler etc...)
Dakal pung salamat
Wednesday, March 3, 2010
Keng Upisina
Subscribe to:
Post Comments (Atom)
3 comments:
Bro Oliver,
abasa ku no reng pedala mu keng eK!. Pane ka sang magpadala karin ne? Dusuldit atin kang bayung lalang a kawatasan (tula/poesiya) paparala ka karin ne? Ampong nanu mang misulat, e mu kawatasan, bro. Salita (short story), sanese (essay), nanu man, makabaldugan la mu sa, tanggapan do reng kaputul keng eK!
Pasalamat ku't tataguyud mo't bibitbitan deng eK1 ampo ing kanakung bilungan (sayt). Salamat.
Oyni ing suglung kareng linuwal mung kawatasan keng eK! - http://eksite.com/versilog/carlos.100304.html
Sulung bro,
ing kaputul Papa Osmubal
Bro,
mipa-subu cu yata! o pane lang maki-diploma at mangatas a pegaralan deng carin e! ali la pala bibiru ot mi-publish la pin!
i have to admit, my poems were only kept here and some personal websites. i never thought na makanyan la ka-open at tinggap da ing cacung writing style. i tried to submit before kareng aliwang sites pero e canu usig istilu ku keng pamanyulat. thanks indeed for the encouragement.
Ala kang pigaganakan, bro. Reng aliwa e ro buri reng gagawan mu, buri nang sabiyan papabalu reng ating kang dapat alila o bayuan keng gagawan mu ba ra lang aburi. Kutnan me ing sarili mu, masanting la reng gagawan mo? Masaya naka kareng gagawan mo? Nung wa, ala kang dapat pigaganakan. Nung ali, manintun kang dalan bangkanita lalu mong apasanting deng gagawan mu. Nung atin kang pilubluban a ilimbag mo kening bilungan (page/site) mu reng gagawan mu, buri nang sabiyan tiwalan kang malyari lang basan. Basan mong pasibayu reng gagawan mu, lawan-lawan mu nung nukarin la dapat mibayu. Ikatamu ngan magbayu tamu, bro. Datang ing aldo, potang basan mo reng gewa mu ngeni, asabi mu keng sarili mung e la masanting, uling sinulung naka keng biye. Nung basan mo reng gewa mu anyang malambat na, asabi mung migit lang masanting deng gagawan mu ngeni. Kasi susulung ya ing biye. Masaya la keka reng keng eK! At ken kang eK magumpisa kanyan bangkanita akit me ing sarili mu keng luwal ning yatu mu, anya dakal a mibayu kanyang keng pamanyulat mu ampong pamangamanu, at makasanting naman ita. Ampong abasa ku no reng aliwa mung sinulat keng Bulatlat. E biru ing gagawan mu, bro, ditak lang tawu reng ating belwan ka kalupa tamung anti kanini, anya samasnan mu ampong e ka dungu kareng aliwa, uling deni man atin sari-sarili rang bage pitakutan. Ketang magaral ka pa, makibaka, e wari abalu mung e me dapat ibababa o itatas ing kalaban? Kasi nung beba me o tinas ala nang labanan, ala nang pakikibaka. Sumulat ka pa, bro. Nung dapat kang sumulat miyaliwang paralan, sumulat ka, kaybat lawan mu ing paralan a pekaburi mu ampong akakit mung buri mung gawan kabang mabiye ka't susulat. Sulung. Yanapa.- Papa Osmubal
Post a Comment