despedida

picacasaman mu ing pina-pinandit dang busina ring saken
ing palipat-lipat a indredus at sitsit da ring siping bale

ing gulisacan da ring cayanacan
a pasulapo buradul qng babo bubungan.

mabubuluc ne talaga ing yatu — ing paliwanag cu.
mayayagnas ne ing bale tamu – ing pequibat mu.

iniang benging ita,
migugulut teng pequiracpan ing tudtud.

kilbit nacu ning galingaldo
e cu apagsaryan

ing bigla nang pangacayan
ning cama tang pitudturan.