E ye abalanan
ing kamulalung magtudturan
nung makapaluput ya man
king sanga nang santungan.
Paburen yeng manenaya
king atuktuk na at asagpang
Iwangis ya
karing balang silaba ning metung a pikudta
karing iyapse kataya—
banayad dapot kagyat at sakildap;
mamusbus lang panimanman
ding pangil nang mangataram.
Paburen ye, king taimik nang pamaglame.
King matiyaga nang pamanantabe
karing sampat a pamikatagun
ning makamandag a pamanapse.
Nung makananu yeng didinan katimawan
ing pamigulis karing larauan at anyu,
paburen yung pisanmetung na la
ning poesya ku ding tau ampo ring batu
Paburen yu ku.
Gugulis ku—
karit ampong masu—
sandatang pamutut
karing talikalang makapaluput.
Friday, October 15, 2010
metung a dalit
Subscribe to:
Post Comments (Atom)
3 comments:
Ver, bro, pangataram mu amano? Sulung manyugat ka pa! Panyugatan mo reng digpa-ning-alti!
Salamat. Maluat na kang e mamasyal. Balu ku dakal ka abala ngening panaun a iti pero adinan mu kung panaun. mimingat.
o't e me dinan ditak a parangal at pamipaganaka i Alex Remollino kening kekang site? Ba naman maramdam keti yatu na misan atin metung a kalupa na a kinimut at sinawup, sinubuk alilan ne ing baluktut at mabuluk a lipunan?
Post a Comment