Friday, October 15, 2010

metung a dalit

E ye abalanan
ing kamulalung magtudturan

nung makapaluput ya man
king sanga nang santungan.

Paburen yeng manenaya
king atuktuk na at asagpang

Iwangis ya
karing balang silaba ning metung a pikudta

karing iyapse kataya—
banayad dapot kagyat at sakildap;

mamusbus lang panimanman
ding pangil nang mangataram.

Paburen ye, king taimik nang pamaglame.
King matiyaga nang pamanantabe

karing sampat a pamikatagun
ning makamandag a pamanapse.

Nung makananu yeng didinan katimawan
ing pamigulis karing larauan at anyu,

paburen yung pisanmetung na la
ning poesya ku ding tau ampo ring batu

Paburen yu ku.

Gugulis ku—
karit ampong masu—

sandatang pamutut
karing talikalang makapaluput.

3 comments:

Papa Osmubal Oscar Munoz Balajadia said...

Ver, bro, pangataram mu amano? Sulung manyugat ka pa! Panyugatan mo reng digpa-ning-alti!

Verso para Libertad said...

Salamat. Maluat na kang e mamasyal. Balu ku dakal ka abala ngening panaun a iti pero adinan mu kung panaun. mimingat.

Papa Osmubal Oscar Munoz Balajadia said...

o't e me dinan ditak a parangal at pamipaganaka i Alex Remollino kening kekang site? Ba naman maramdam keti yatu na misan atin metung a kalupa na a kinimut at sinawup, sinubuk alilan ne ing baluktut at mabuluk a lipunan?