buri ku sana, kunanan mu kung letratu
keni, kilub ning bale ku –
buntuk keng inidoru,
atyan at salung mikalat keng banyu,
bitis at gamat keng sementu.
e ne man akua ning kekang lenti
ing sadyang timan karing pisngi ku’t labi,
pagnasan kung keng balang pitik da ring kekang taliri
abulalag mo karing sabla, malilyari ing anti-kaniti.
ibalandra mu ku karing anggang diyaryu
anti mong metung a testamentu.
Tuesday, June 8, 2010
chop-chop
Subscribe to:
Post Comments (Atom)
No comments:
Post a Comment