Friday, April 30, 2010

retiradu

Mibabalic la ring tacbang
Nung nucarin no inumpisan

Quing pamitucnang, e na a-iwasan
Ing baliquid qng queyang pibatan

Titimbangan na ning isip, e pa sapat
Nonti man calaut ing queyang a-lacaran

Culang, agyang ing nanumang ayampang
Ning masalusu nang pamilacad

Quing aslag-pali ning ka-ugtuan;
Minatba yamu, dinalan ya ing bie

Nung macananu yang minatba at dinalan,
quing pilapil nang babagtasan, ing dagis-asican—

¬¬sinulud ya quing dicutang
e ginalo, e minugun ditac mu man.

No comments: