batung atitisud
king kalsada ning lugud
ing sumpa mung matbud


--
#haikukapampangan

tyup ne ning alala
king miglare mung lupa
ing uma ku keka


--
#haikukapampangan

miyuyuranan
ing maglakbe kung isip
king pagkeran



---
#haikukapampangan

sasalilung a uran
king tukuran ning eran
ing milabasan

--
#haikukapampangan

mikikindatan
bubut a kapalsintan
gilid pisamban



--
#haikukapampangan

terak ka, o’ indu
patudturan king salu
malagnat mung bunsu


--
#haikukapampangan

pamanenaya—
saldak lang pangisnawa
kape king tasa


--
#haikukapampangan

anging dadaiti
lalabul karing pisngi
malambut mong labi


--
#haikukapampangan

babagse ka ta
pasalunga king alun
salang king yatu


--
#haikukapampangan

pisulung timan
pilapil a liklukan
balik-balikan

--
#haikukapampangan

patunggal-tunggal
iyakmul no ning lulam
ding kekang timan


--
#haikukapampangan

Sabi nang Bishop (bayu ing libad keng ilug)

Yari ne ing pagoda
Salamat kang Lord
Ampo karing jueteng lords


***
2011
Oran, Algeria

Haiku Kapampangan 10

Haiku Kapampangan 9

Haiku Kapampangan 8

Haiku Kapampangan 7

Haiku Kapampangan 6

Haiku Kapampangan 5

Haiku Kapampangan 4

Haiku Kapampangan 2