fetus

Sinasaksak ng tubig-ulan
na bumubulwak mula sa alulod

ang lupang naghihinagpis
sa tinatamong malalalim na sugat--

mga saksak ng siphayo,
sundot sa budhi na bumabaon

sa sugatang dibdib
ng babaing nakatanaw sa bintana

na sinasaksak ang labi ng mga luhang
naglalandas sa magkabilang pisngi.

Sa di-kalayuan
iniikutan ng mga langaw at lamok

ang nakabaong fetus
na inagaw niya sa kanyang matres.